4 mánuðir!

Váváváá! Ég er búin að vera hérna í 4 mánuði og er alveg óendanlega léleg í að blogga :/ Svo ég veit eiginlega ekki hvar ég á að byrja ..
hmm...

Jáá, í nóvember átti ég afmæli sem var bara fínasta afmæli :) Fékk köku og fórum svo og dönsuðum af okkur lappirnar langt fram á nótt! Svoo gaman! Síðan átti Luis líka afmæli og þá fór ég út með bekkjarfélögum og það var bara nokkuð gaman líka :) Einnig tókst mér að brenna svo illilega á mér andlitið rétt fyrir afmælið hans Luisar að ég var rauðari en tómatur, svo engar myndir þaðan! hahahah... Síðan var það bara skóli, þurfti að gera power point kynningu á spænsku um Evrópu með einum skiptinemanum og við fengum 18/20 í einkunn ... Hæðsta einkunnin í bekknum! Wúúhúúú :) Síðan þurfti ég líka að syngja fyrir eitthvað lokaverkefni í ensku -.- eeen lenti þar í 3. sæti! hahahaha .. en fékk medalíu .. meira en aðrir geta sagt! hahah..
Svo kom þetta blessaða sumarfrí með tilheyrandi, semsagt bruna .. oog á öllum líkamanum í þetta skipti! Var svo slæmt að ég gat ekki hreyft mig í nokkra daga! FÓLK, MUNIÐ EFTIR SÓLARVÖRN!! hahaha...
Oog næst voru jólin og fékk ég að fara til Cajamarca sem er svoo fallegur bær, og kalt þar (kaldara), svo ég var yfir mig ánægð að fara þangað! Skoðaði Inca böðin, þar sem Incarnir hafa átt að baða sig í heitu vatni frá jörðinni, fannst nú nokkuð gaman að finna það hérna í Perú líka :) Síðan sá ég dauða naggrísa :( Að fólk hérna skuli voga sér að borða þetta!
Jólin sjálf voru æðisleg. Klukkan 2 á aðfangadag fékk ég að tala á skype við fólkið heima þegar þau voru að opna pakkana og var það alveg yndislegt að fá að vera smá með! Fór síðan að gera mig til uppúr 8 þar sem fólk fór að mæta klukkan 10 .. Klukkan 12 byrjaði fjörið! Fyrst var farið með bæn og þakkað fyrir .. um allt bara , hahah síðan pakkar gefnir til fólks og allir opna á sama tíma :) Ég fékk hippa buxur, maraguy sápu og klút frá Cajamarca :) Eftir það var LOOOKSINS borðað, oog það var kalkúnn... Já um morguninn var hann bara eitthvað að tjilla í þvottahúsinu, síðan drepinn og eldaður! hahah .. Jáá eftir matin byrjaði síðan partý og systur mínar entust ekkert lengi svo ég var bara ein þarna með frændfólki mínu sem ég varla þekkti en sumir voru nú verulega nice og spjölluðu nú við mig :) Næstu 2 dagar fóru í það að hanga uppí rúmi að lesa bók sem ég fékk frá ömmu og afa í jólagjöf og horfa á kóreska þætti með Isabel .. hahah það var samt alveg ágætt svona að hanga inni í rigningunni og kuldanum, og kósý svona yfir jólin :) Síðan fór ég heim aftur og milli jóla og nýárs skrapp ég í afmæli til mágar míns og gisterý með Mauruh, Hönnuh og Luis .. Louis, frá þýskalandi, var líka þarna mest allt kvöldið og var það alveg geðveikt! Svo á áramótunum sjálfum fór ég í mat til Ömmu og voru þar ættingjar sem ég hafði aldrei hitt áður... Á eina litla 3 ára frænku sem er alveg roooosalega krúttleg, agalegur pósari líka! hahaha var alveg yndislegt! Eftir 12 var farið heim og fór ég svo með Luis og fjölskylduni hans til ömmu hans og þar fékk smá mikið að finna fyrir því að ég er ljóshærð og öðruvísi hérna! hahha .. Þetta hverfi var frekar svona fátæklegra og það voru allir krakkarnir úti að leika sér og voðalega krúttlegt .. Svo fór ég og Luis að kaupa vatn handa mér og þegar við ætluðum aftur til ömmu hans voru krakkarnir allir fyrir framan dyrnar að biðja mig um að segja eitthvað á ensku og ætluðu ekki að hleypa okkur inn! En við fengum nú að komast inn .. Eeen það er ekki allt .. þegar við vorum að fara  útí bíl komu krakkarnir hlaupandi með myndavél og ætluðu að fá mynd! Ég fór bara inn í bíl een þá vildu krakkarnir ekki fara af bílnum og voru að reyna að taka myndir! Hahahahah .. svooo skellti ég mér í partý með Luis, Alex, bróðir Luisar og kærustunni hans heima hjá frændfólki Luisar og var komin heim 8 um morguninn, nokkuð góð áramót!
Síðan þá hef ég lítið gert af mér held ég .. Skellt mér á ströndina og ákvað nú ekki að brenna í þetta skipti :) Eldað lasagnea með Luis og Mauruh heima hjá Mauruh því mamma hennar vildi sko athuga hvort að Luis væri nógu góður fyrir mig .. og hún samþykkir hann allavegana ! hahah... Já og í dag fór ég að kveðja mormóna sem voru að klára missionið og eru á leiðinni heim til sín eftir 2 ár í burtu ! Vinir Luisar augljóslega en ég fékk alveg smá tilfinningu um hvernig þetta verður þegar við förum héðan! Það verður noookkuð erfitt :/
Jááh og plönin á næstunni er að skella mér í smá ferðalag með Luis :) Síðan ferð með AFS, aðra með Mauruh, Diönu og systir Mauruh .. ooog svo aðra AFS ferð !
Svo komst ég einnig að því að ég byrja ekki í skólanum fyrr en í apríl! svo ég hef allan mars til að gera einhvern andskotann! Nei segi bara svona .. verð nú að njóta frísins líka :)

Held að þetta sé nú komið .. allavegana af því sem ég man!
Afsakið óskipulagið á þessu bloggi, fannst ég einhvernveginn bara þurfa að koma þessu einhvernveginn frá mér á minn hátt :) Svona myndi ég allavegana segja þetta í persónu :)

Kossar og knús frá Perú
Chau!

Freydís Þóra

p.s. það koma inn myndir á facebook bráðum .. held að það sé nú bara auðveldara að notast við það þar sem ég er með það opið :)